"Qarabağ"ın Avropa Liqasının qrup mərhələsində Ukraynanın "Dnepr” komandası ilə keçirəcəyi ev oyununun biletləri satışa çıxarılıb. Sportnet.az-ın məlumatına görə, biletləri bu gündən oyunun keçiriləcəyi Tofiq Bəhramov adına Respublika stadionunun kassalarından əldə etmək mümkündür.
Qarşılaşmaya ən ucuz bilet 1, ən baha bilet isə 10 manata satılır.
Qeyd edək ki, noyabrın 6-da Tofiq Bəhramov adına Respublika stadionunda keçiriləcək "Qarabağ” – "Dnepr” oyunu Bakı vaxtı ilə saat 21:00-da başlayacaq.
