Voleybolçu qadınlar arasında Azərbaycan Super Liqasının II turunda "Lokomotiv”ə məğlub olan "Azərreyl” klubunun baş məşqçisi Vüqar Əliyevin Sportnet.az-a müsahibəsi...
- Məğlub
oldunuz. Oyunla bağlı nə deyə bilərsiniz?
- Çalışırıq, amma 2 oyundu məğlub oluruq. Gənc oyunçularımız çoxdu, vaxt ötdükcə təcrübə qazanacağıq. Qalib də gələ bilərdik, ancaq olmadı. Bizə vaxt lazımdı.
- 2 oyun dalbadal məğlub
olmaq klubda problemlərə yol aça bilərmi?
- Xeyr problem
olmayacaq, çünki səhvlərimizin fərqindəyik və tezliklə bunları düzəldəcəyik.
- Oyun zamanı tez-tez
əsəbləşirdiniz bunun səbəbi nə idi?
- Məğlub vəziyyətdəydik və oyunçularım səhv
edirdilər, tapşırıqlarımı düzgün yerinə yetirmirdilər ona görə əsəbləşirdim, həm
də özümdən asılı deyildi.
- Hətta bir epizodda
Kotitonun əlindəki topa vurdunuz.
- Bəli, Kotito məni çox
əsəbləşdirdi. Ona demişdim topa bax, o isə basqa yerə baxırdı. Kotitonun
fikri oyunda deyildi.
- Oyunçularınız zəif çıxış
edir. Bu transferlər sizin rəyinizlə olub yoxsa menecerlər tərəfindən transfer
edilib?
- Oyunçular kulubumuzun
istəyiylə alınıb.
- Yəni, sizin rəyiniz alınmayıb?
- Yox. Həm mənim, həmdə kulub
tərəfindən bəyənilərək alınıb.
Orxan QASIMLI
