"Cavid İmamveriyev hazırda Bakıdadı. Onun atası xəstə olduğu üçün bizdən icazə alıb gedib". Bu sözləri Sportnet.az saytına açıqlamasında Türkiyə PTT I liqası təmsilçisi "Elazığspor" klubunun müdiri Əsər Ağcabay deyib.
O bildirib ki, İmamveriyev hazırda Bakıda olsa da, yenidən komandaya dönəcək: "Bizim onunla yollarımızı ayırmaq niyyətimiz yoxdu. Cavid yenidən Türkiyəyə qayıdacaq və məşqlərimizə qoşulacaq. Ümid edirəm ki, hər şey yaxşı olacaq. Onun yenidən "Neftçi"yə qayıdacağı ilə bağlı xəbərlər haqqında isə nəsə deyə bilmərəm".
