Almaniyanın "Ayntraxt" klubunun qolkiperi Feliks Vaidvald komandadan ayrıla bilər. Sportnet.az-ın Almaniya mətbuatına istinadən məlumatına görə, 24 yaşlı əlcək sahibi ilə "Verder" yaxından maraqlanır.
Bremen təmsilçisinin yetirməsi olan almaniyalı qolkiperin özü də transferin baş tutmasını istəyir. O, öz açıqlmasında Bremen şəhərinin çox sevdiyini, ailəsinin və sevgilisinin bu şəhərdə yaşadığını, könlümün həmişə orda olduğunu bildirib.
Klubun icraçı direktoru Bruno Hübner də Feliksin satıla biləcəyini deyib: "Onun könlü Bremendədir. Bu səbəbdən də, Feliksi "Verder"ə sata bilərik. Əgər onlar münasib təklif etsələr və onu əvəzləyə biləcək qolkiperimiz olarsa, o zaman bu transfer baş tuta bilər".
Transferin baş tutması "Ayntraxt"da çıxış edən millimizin üzvü Emil Balayevə sərf edir. Araşdırmamıza görə, Feliks komandanı tərk edərsə, gənc qolkiperimiz Frankurt təmsilçisinin əsas qapıçısı ola bilər.
24 yaşlı əlcək sahibinin "Bremen"ə keçdi baş tutarsa, "Ayntraxt"ın baş məşqçisi Tomas Şaafın qapını əmanət edəcək 3 seçimi qalacaq. Emil, Kevin Trapp və Timo Hildebrand. Kevin zədəlidir və 3 həftə sonra yaşıl meydanlara dönəcək. 35 yaşlı Timo isə bu mövsüm cəmi 3 qarşılaşmada meydana çıxıb. Emil Balayev bu şəraitdə özünü yaxşı tərəfdən göstərə bilərsə, 53 yaşlı qolkiperin etimadını qazanıb "Ayntraxt"ın əsas qolkiperi ola bilər.
