"Çelsi" klubu İngiltərə Liqa Kubokunun qalibi olub. Sportnet.az-ın məlumatına görə, "zadəganlar" finalda "Tottenhem"i məğlubiyyətə uğradıb - 2:0.
İlk qolu 45-ci dəqiqədə Con Terri vurub. 76-cı dəqiqədə isə "Tottenhem"in futbolçusu Kayl Uolker topu öz qapısına göndərib.
Bununla da "Çelsi" tarixində 5-ci dəfə Liqa Kubokunu qazanıb. Sonuncu dəfə bu uğur 2007-ci ildə əldə edilib. Həmin vaxt da baş məşqçi postunu Joze Mourinyo tutub. Bu, Mourinyonun "Çelsi"də üst-üstə 7-ci kuboku olub.
