Nigeriyanın "Kano Pillars" klubunun futbolçularına qarşı silahlı hücum olub. Sportnet.az-ın məlumatına görə, "Hartlend"lə mövsümün ilk qarşılaşmasına yollanan komandanın 5 futbolçusu hücum zamanı yaralanıb.
Cinayətkarlar futbolçuların dəyərli əşyalarını alaraq hadisə yerindən uzaqlaşıblar. Klubun rəsmi "twitter" səhifəsində verilən açıqlamada Qambo, Oqbonaya, Eneji Otekpa, Murtala Adamu və Musa Ekpai adlı futbolçuların güllə yarası aldığı bildirilib.
Qeyd edək ki, Nigeriya Premyer Liqasının ilk turu çərçivəsində bu gün Overridə baş tutmalı olan "Hartlend" - "Kano Pillars" görüşü qeyri-müəyyən müddətə təxirə salınıb.
