Bu gün futbol üzrə Avropa Liqasında final matçı keçirilib. Sportnet.az-ın məlumatına görə, Polşanın paytaxtı Varşavadakı Milli Stadionda Ukraynanın "Dnepr" və İspaniyanın "Sevilya" komandaları üz-üzə gəlib.
"Dnepr" tarixində ilk dəfə qitəmiqyaslı turnirin həlledici qarşılaşmasında iştirak hüququna yiyələnmişdi. Baş məşqçi Miron Markeviçin komandası Avroliqanın qrup mərhələsində "Qarabağ"ın İtaliyanın "İnter" klubunun qapısına vurduğu təmiz qolun sayılmamasından sonra növbəti mərhələyə adlamışdı. Ukrayna təmsilçisi ardıcıl olaraq, Yunanıstan "Olimpiakos"u, Hollandiya "Ayaks"ı, Belçika "Brügge"si və İtaliya "Napoli"sini mübarizədən kənarlaşdırmışdı.
"Sevilya" isə tarixində 4-cü dəfə Avroliqada final həyəcanı yaşayıb. Baş məşqçi Unay Emerinin komandası ötən mövsüm finalda Portuqaliya "Benfika"sını penaltilər seriyasında yenərək, turnirin qalibi olmuşdu. Ümumiyyətlə, "Sevilya" əvvəlki 3 final matçının hamısından qalib ayrılmışdı.
Bu dəfəki final matçı kifayət qədər məhsuldar alınıb. İlk yarıda komandalar hərəyə 2 dəfə fərqləniblər. Fasilədən sonra isə "Sevilya" təcrübəsi hesabına qələbə topunu vuraraq, Avropa Liqasının qalibi olub. Bununla da əndəlüslülər 2006, 2007 və 2014-cü ildə qazandıqları kuboka 4-cü dəfə sahib olublar. Eyni zamanda, "Dnepr" UEFA-nın yeni qaydalarına əsasən, 2015-2016-cı il mövsümündə Çempionlar Liqasının birbaşa qrup mərhələsinə vəsiqə qazanıb.
Avropa Liqası
FİNAL
23:45. "Dnepr" (Ukrayna) - "Sevilya" (İspaniya) - 2:3
Qollar: Nikita Kaliniç, 7. Ruslan Rotan, 44 - Krıxovyak, 28; Bakka, 31; 73
Qollar: Nikita Kaliniç, 7. Ruslan Rotan, 44 - Krıxovyak, 28; Bakka, 31; 73
"Dnepr": 71 Boyko, 23 Duqlas, 44 Fedetski, 7 Jaba Kankava, 12 Leo Matoş, 14 Çeberyaçko, 25 Fedorçuk, 29 Ruslan Rotan (kap.), 9 N. Kaliniç, 10 Konoplyanka, 99 Mateus
Ehtiyat oyunçular: 16 Laştuvka, 2 Vlad, 24 Luçkeviç, 19 Bezus, 20 Brunu Qama, 28 Şaxov, 11 SeleznyovBaş məşqçi: Miron Markeviç
"Sevilya": 29. Riko, 2 Tremulinas, 6 Daniel Karriço, 15 Kolocijçak, 4 Krıxovyak, 10 Reyes (kap.), 19 Baneqa, 20 Vitolo, 22 Aleiks Vidal, 25 Mbia, 9 Bakka
Ehtiyat oyunçular: 13 Beto, 3 Fernando Navarro, 5 Fiqeyraş, 23 Koke, 12 İborra, 17 Suares, 7 Qameyro
Baş məşqçi: Unay Emeri
Baş hakim: Martin Atkinson (İngiltərə)
Varşava (Polşa), Milli Stadion
