750 nəfərin yaşadığı Neçaça kəndinin "Termalika" komandası Polşa çempionatının yüksək liqasına vəsiqə qazanıb. Sportnet.az-ın məlumatına görə, "Termalik" buna I divizionda finişə bir tur qalmış nail olub.
"Kənd komandası" 33-cü turda Sedltse "Poqon"unu 2:0 hesabı ilə yenərək, "Zaqlembe" ilə birgə Ekstraklassa yüksəlib.
Qeyd edək ki, "Termalika" 1922-ci ildə təsis olunub. 2010-2011-ci il mövsümündən klub Polşa I Divizionunda mübarizə aparır. "Termalika"nın prezidenti xanım Danuta Vitkovska, baş məşqçisi Pyotr Mandrısdır. Komanda ev oyunlarını 2262 nəfərlik "Bruk-Bet" stadionunda keçirir.
