Futbol üzrə Azərbaycan milli komandasının qapıçısı Kamran Ağayevin şərəfini qoruduğu Türkiyənin "Kayserispor" klubu ölkə çempionatında növbəti matçını keçirib. Sportnet.az-ın məlumatına görə, "Alanyaspor"la görüşdə komandalar meydanı sülhlə tərk edib - 1:1.
Start heyətində meydana daxil olan 29 yaşlı əlcək sahibi 90 dəqiqə qapısını toxunulmaz saxlamağa çalışsa da, buna nail olmayıb. Meydan sahibləri Kayseri təmsilçisinin qapısından ikinci topu keçirsə də, oyundankənar vəziyyət qeydə alınıb.
Qeyd edək ki, "Kayserispor" XXVII turdan sonra 57 xalla turnir cədvəlinə liderlik edir.
