Batumi şəhərində 12 yaşadək uşaqlar arasında şahmat üzrə dünya çempionatı keçirilir. Sportnet.az-ın məlumatına görə, turnirin açılış mərasimində Acariya hökumətinin nümayəndələri, Avropa Şahmat İttifaqının sədri Zurab Azmaiparaşvili, Gürcüstan Şahmat Federasiyasının sədri Gia Qiorqadze iştirak ediblər.
Acarıstan hökumətinin sədri Zurab Pataradze ilk simvolik gediş edib.
Azərbaycan Respublikasının Batumi şəhərindəki baş konsulu Rəşad İsmayılov Azərbaycanın yeniyetmə şahmatçılarını salamlayıb, onlara uğurlar arzulayıb.
Oktyabrın 30-da başa çatacaq çempionatda 66 ölkədən 728 idmançı iştirak edir. (Report)
