Şahmat üzrə dünya çempionu Maqnus Karlsen sensasion məğlubiyyətə düçar olub.
Sportnet.az-ın məlumatına görə, norveçli qrossmeyster "Banter Blitz Cup" adlı onlayn turnirin finalında 16 yaşlı iranlı Əlirza Firuzcaya uduzub - 7,5:8,5.
"Əlirza layiqli qələbə qazandı. O, inanılmaz dərəcədə güclüdür" deyə görüşdən sonra Karlsen açıqlama verib. Firuzca kubokdan əlavə, 14 000 ABŞ dolları məbləğində pul mükafatına sahib olub.
Qeyd edək ki, Maqnus Karlsenin təşkil edəcəyi 250 000 ABŞ dolları mükafat fonduna malik onlayn şahmat turniri aprelin 18-də start götürəcək. 16 gün davam edəcək yarışa azərbaycanlı qrossmeysterlərdən heç kim qatılmayacaq. Əvəzində Karlsen 8 iştirakçı arasında Əlirza Firuzcaya da yer verib. Turnirin qalibi 70 000 ABŞ dolları qazanacaq.
