Azərbaycan karateçisi Firdovsi Fərzəliyev Tokio-2020 Yay Olimpiya Oyunlarında medal qazanmaq şansını itirib.
Sportnet.az-ın məlumatına görə, 67 kq çəki dərəcəsində çıxış edən idmançı A qrupunda sonuncu döyüşünü Əli Elsaviyə (Misir) qarşı keçirib.
O, bu qarşılaşmada 0:1 hesabı ilə uduzub. Birinci və üçüncü görüşdə də məğlub olan Fərzəliyev yalnız ikinci görüşdə qələbə qazana bilib.
A və B qruplarında ilk iki yeri tutan karateçilər yarımfinala yüksəlməklə yanaşı ən azı bürünc medalı da təmin edir.
-----------------------
Azərbaycan karateçisi Firdovsi Fərzəliyev Tokio-2020 Yay Olimpiya Oyunlarında üçüncü döyüşünü keçirib.
Sportnet.az-ın məlumatına görə, 67 kq çəki dərəcəsində çıxış edən idmançı A qrupunda Darxan Assadılovla üz-üzə gəlib.
Fərzəliyev üçüncü görüşdə məğlubiyyətlə üzləşib - 2:6. O, A qrupunda sonuncu qarşılaşmasını Əli Elsavi (Misir) ilə qarşılaşacaq.
---------------------------------------------
Azərbaycan karateçisi Firdovsi Fərzəliyev Tokio-2020 Yay Olimpiya Oyunlarında növbəti döyüşünü keçirib.
Sportnet.az-ın məlumatına görə, 67 kq çəki dərəcəsində çıxış edən idmançı A qrupunda Naoto Saqoya (Yaponiya) ilə üz-üzə gəlib.
Fərzəliyev rəqibini 1:0 hesabı ilə üstələyib. O, üçüncü görüşünü Darxan Assadılova (Qazaxıstan) qarşı keçirəcək.
Qeyd edək ki, Firdovsi Fərzəliyev ilk qarşılaşmasında türkiyəli Eray Şamdana 1:7 hesabı ilə uduzmuşdu.
------------------------------------------------
Azərbaycan karateçisi Firdovsi Fərzəliyev Tokio-2020 Yay Olimpiya Oyunlarında mübarizəyə başlayıb.
Sportnet.az-ın məlumatına görə, 67 kq çəki dərəcəsində çıxış edən idmançı A qrupunda ilk döyüşünü keçirib.
O, Türkiyə təmsilçisi Eray Şamdanla (Türkiyə) üz-üzə gəlib. Fərzəliyev 1:7 hesabı ilə məğlub olub. Karateçi növbəti görüşünü Naoto Saqoya (Yaponiya) qarşı keçirəcək.
