Bu gün “Absheron Lions” Basketbol Klubu avrokuboklarda tarixində ilk oyununa çıxacaq.
Sportnet.az xəbər verir ki, Bakı İdman Sarayında keçiriləcək Kipr “Anortosis”i ilə təsnifat mərhələsinin görüşü saat 19:00-da başlayacaq.
Qarşılaşmadan öncə "Absheron Lions"un baş məşqçisi Erhan Toker klubun mətbuat xidmətinə açıqlama verib. O, çox vacib oyuna çıxacaqlarını bildirib: "Liqa başlamamışdan öncə Avropa səhnəsində təsnifat görüşü oynamaq bir qədər çətindir. Təbii ki, tam anlamda ən yüksək formamızda deyilik. Bacardığımız qədər matç saatına qədər ən optimal formada olmağa çalışacağıq. Səhvlərimizi və zəif tərəflərimizi yalnız bu oyunda meydanda görə biləcəyik. Səfərə sərfəli nəticə ilə yollanmaq istəyirik. Rəqibin heyətinə gəlincə, legionerlərlə yanaşı, 3-4 yerli oyunçu da var. Onlar ötən il də heyətdə yer alıblar. Ümid edirəm ki, hər şey biz istəyən məcrada davam edəcək".
Qeyd edək ki, cavab görüşü bir həftə sonra Kiprdə olacaq.
