Hidayət Türkoğlu Türkiyə Basketbol Federasiyasının yeni prezidenti seçilib.
Sportnet.az "Haber7"yə istinadən xəbər verir ki, oktyabrın 26-da Ankarada keçirilmiş qurultayda keçmiş basketbolçu qurumun prezidentliyinə yeganə namizəd olub.
Qurultayın 143 iştirakçısından 113-ü onun lehinə səs verib.
Qeyd edək ki, Hidayət Türkoğlu 1979-cu il martın 19-da İstanbulun Bayrampaşa rayonunda doğulub. O, 269 dəfə Türkiyə millisində çıxış edib. 2,08 metr hündürlüyündə olan keçmiş hücumçu 20 ilə yaxın ABŞ-ın NBA liqasında müxtəlif klublarda çıxış edib.
