Basketbol üzrə Türkiyə yığmasının yeni baş məşqçisi müəyyənləşib. Sportnet.az-ın "Haberturk"ə istinadən məlumatına görə, bu barədə Türkiyə Basketbol Federasiyasının prezidenti Hidayət Türkoğlu açıqlama verib.
O, bildirib ki, baş məşqçi postunda Ufuk Sarıca çalışacaq. U.Sarıca bu postda Ergin Atamanı əvəzləyib. Yığma komandada işləməsinə baxmayaraq, o, "Beşiktaş Somp Japan" klubundakı baş məşqçilik vəzifəsinə də davam edəcək.
Yeni baş məşqçi bu təyinatdan qürur duyduğunu bildirib: "Bir türk basketbol məşqçisi olaraq gələ biləcəyim ən üst səviyyədəyəm. Bu vəzifəni yerinə yetirəcəyimdən dolayı çox xoşbəxtəm. TBF rəhbərliyinə təşəkkür edirəm. Çox qürurlu və həyacanlıyam. Hədəfimiz bu il keçiriləcək Avropa çempionatında uğur qazanmaqdır. Meydanda mübarizə aparan, qələbəni hədəfləyən komanda hazırlayacağıma söz verirəm".
Qeyd edək ki, Ufuk Sarıcanın rəhbərlik etdiyi klub Super Liqada 14 oyundan 11-də qələbə qazanıb. FİBA Çempionlar Liqasındakı 12 oyunun 10-nu qələbə ilə başa vurub.
