"Turnirə qələbə ilə başladıq. Amma bu yarışda əsas rəqiblərimiz Hollandiya və Ukrayna milliləridir".
Sportnet.az-ın məlumatına görə, bunu Azərbaycan milli komandasının qadın voleybolçusu Ayşən Abduləzimova Norveç yığmasını 3:0 hesabı ilə yendikləri 2018-ci il dünya çempionatının seçmə qrup matçından sonra deyib.
Abduləzimovanın fikrincə, rəqib o qədər də güclü olmayıb. Buna baxmayaraq, gənc voleybolçu az səhv etməyə çalışdıqlarını söyləyib. O, Ukrayna ilə növbəti tur qarşılaşmasında komandasına uğurlar arzulayıb.
