"Bakıda oynadığım və azarkeşlərin dəstəyini hiss etdiyim üçün çox xoşbəxtəm". Sportnet.az-ın məlumatına görə, bunu Azərbaycan millisinin qadın voleybolçusu Natalya Məmmədova Norveçi 3:0 hesabı ilə yendikləri 2018-ci il dünya çempionatının seçmə qrup matçından sonra deyib.
O bildirib ki, doğma meydanda çıxış etmək hər bir oyunçu üçün vacibdir. Məmmədova E qrupunu lider kimi başa vuraraq, Yaponiyada keçiriləcək mundiala birbaşa vəsiqə qazanacaqlarına ümid etdiyini bildirib: "Yığma üzvü kimi növbəti oyunlarda əlimdən gələn hər şeyi edəcəyəm".
Qeyd edək ki, Azərbaycan millisi qrupda ikinci tur matçını bu gün Natalya Məmmədovanın tarixi vətəni Ukraynanın yığmasına qarşı keçirəcək.
