Futbol üzrə Panama Kubokunda "Plasa Amador" və "Arabe Unido" komandaları arasında keçirilmiş yarımfinal matçı zamanı görünməmiş qalmaqal baş verib. Sportnet.az-ın məlumatına görə, meydan sahiblərinin futbolçusu Manuel Torres onu əvəzləyən baş məşqçi Xuan Karlos Qarsiyaya narazılığını sərt formada bldirib.
Torres Qarsiyanı bir neçə dəfə itələyib. Sonra isə futbolçu öz baş məşqçisinin çənəsinə zərbə endirib. Bu hərəkəti ilə əlaqədar ona hər hansı sanksiyanın tətbiq edilib-edilməyəcəyi məlum deyil.
Qeyd edək ki, görüş "Arabe Unido"nun qələbəsi ilə yekunlaşıb - 2:0.
