Futbol üzrə Hollandiya çempionatında XV turun AZ - "Den Haq" matçı zamanı meydana pişik girib. Sportnet.az-ın məlumatına görə, hadisə 58-ci dəqiqədə baş verib.
Qara pişik meydanın cinahı boyunca sonadək qaçıb. Referi isə "çağırılmamış qonağ"ın gözdən itməsini gözləməkdən ötrü oyunu dayandırıb. Pişiyin sürətinə futbolçular da həsəd aparıblar. O, AFAC stadionunda 100 metrdən çox məsafəni cəmi 15 saniyəyə qaçıb.
Qeyd edək ki, görüş "Den Haq"ın qələbəsi ilə yekunlaşıb - 1:0.
