Mövsümün ilk yarısı "Sumqayıt" klubu üçün maraqlı statistika ilə əlamətdar olub.
Sportnet.az xəbər verir ki, Samir Abasovun baş məşqçi olduğu komanda qış fasiləsinədək 17 oyun keçirib.
Bunlardan 14-ü Topaz Premyer Liqasına, 3-ü isə Azərbaycan Kubokuna təsadüf edib. Premyer Liqadakı qolların nisbəti isə bərabər olub. "Sumqayıt" Premyer Liqada, keçirdiyi ümumi oyun sayı qədər - 17 qol vurub və eyni sayda top buraxıb. Çempionatda qələbə və məğlubiyyət sayı da bərabər (6) olub. Cəmi 2 heç-heçəsi olan "gənclik şəhəri" təmsilçisi 20 xal toplayıb.
Azərbaycan Kubokunda isə "Sumqayıt" hər mərhələdə 3 qol vurub. Bir oyundan ibarət 1/8 final mərhələsində "Səbail"i 3:0 hesabı ilə yenən komanda 1/4 finalda "Qarabağ"a iki oyunun yekununda qalib gəlib - 1:2, 2:0.
Qeyd edək ki, "Sumqayıt" qış fasiləsinə Topaz Premyer Liqasında 4-cü pillənin sahibi və Azərbaycan Kubokunda yarımfinalçı kimi çıxıb.
