Topaz Premyer Liqasının ikinci yarısına hazırlıqları davam etdirən "Sumqayıt" və "Bakı" klubları arasında yoxlama matçı keçirilib. Sportnet.az-ın məlumatına görə, Sumqayıtdakı "Kapital Bank Arena"da baş tutan qarşılaşma meydan sahiblərinin böyük hesablı qələbəsi ilə yekunlaşıb - 5:1.
Yerli komandadan Məhəmməd Qurbanov dubl edib, digər qolları Orxan Əliyev, Tofiq Mikayılov və Budaq Nəsirov vurub. "Bakı"nın yeganə qolunu isə Nuran Qurbanov vurub.
Qeyd edək ki, "Sumqayıt" növbəti yoxlama oyununu yanvarın 17-də "Kapital Bank Arena"da AZAL-a qarşı keçirəcək. "Bakı" isə həmin gün öz əvəzediciləri ilə üz-üzə gələcək.
