Gəncənin "Kəpəz" komandası Azərbaycan Premyer Liqasının ilk dövrəsində azarkeş sayında lider olub. Sportnet.az-ın məlumatına görə, "sarı-göylər"in Gəncə şəhər stadionunda keçirdiyi 5 ev oyununu üst-üstə 81700 tamaşaçı izləyib.
Rəsmi statistikaya əsasən, ən çox azarkeş V turun "Qarabağ"la qarşılaşmasında yer alıb - 20000 nəfər. "Sumqayıt" və "Xəzər Lənkəran"la matçlarda 18000, AZAL-la oyunda 13200, "Zirə" ilə görüşdə 12500 tamaşaçı olub.
Gəncə şəhər stadionunun tribunaları tam təmir olunmasa da, azarkeşlərin müəyyən hissəsi oyunlara qızmar günəş şüaları altında beton oturacaqlar sektorundan baxmağa da hazır olub. Azarkeşlər arasında zərif cinsin nümayəndələrinə, o cümlədən, gənc qızlara da kifayət qədər rast gəlinir.
Sportnet.az gəncəli azarkeşlərdən bəhs edən görüntüləri təqdim edir...
