"Qalib gəldiyim üçün şadam. Bu qələbə mənim üçün çox önəmlidi, çünki məhz Azərbaycanda qalib gəldim".
Sportnet.az-ın məlumatına görə, bunu 2.1 kateqoriyalı "Tour d’Azerbaidjan-2017” beynəlxalq velosiped turunun qalibi, Azərbaycan millisinin və "Synergy Baku" klubunun üzvü Kirill Pozdyakov deyib. O bildirib ki, qələbəsində təkcə özünün rolu yoxdur: "Uğur yalnız bir nəfərin adına yazılmır. Bu, bütün komanda üzvlərinin səyi nəticəsində reallaşır. Sözsüz, İsmayıllıda böyük fərqlə qalib gəlməyim imkan verdi ki, növbəti mərhələlərdə daha rahat çıxış edim. Çünki vaxta görə rəqiblərimi çox qabaqlayırdım və yekunda çempion oldum".
Gələcək planlarından danışan Pozdnyakov yaxın gələcəkdə Sloveniya və Slovakiyada turlara qatılacaqlarını dilə gətirib: "Yaxşı komandamız var. Fiziki hazırlığım da qaydasındadır. Həmin yarışlarda da uğur qazanacağımıza inanıram”.
