"Bakı 2015" I Avropa Oyunlarının Təşkilat komitəsi, Dünya Karate Federasiyası (WKF) və Azərbaycan Milli Karate Federsiyasının (AMKF) rəsmiləri arasında yarışla bağlı görüş keçirilib. Sportnet.az-ın məlumatına görə, Oyunların karate yarışlarının meneceri Dmitri Çiqenev və WKF-in Təşkilat Komissiyasının sədri Esteban Perez karate yarışlarının təşkil edilməsi ilə bağlı ətraflı müzakirə aparıblar.
Görüşdə Avropa Oyunlarında karate yarışları günlərində faəliyyətin detalları müzakirə edilib, son hazırlıq işlərindən danışılıb. AMKF-in prezidenti Yaşar Bəşirov və Baş katib Mircabbar Seyidov da görüşdə iştirak ediblər.
Qeyd edək ki, ispaniyalı qonaq Bakıda 2 gün səfərdə olacaq.
