Azərbaycan klubunun yeni bazasında tikinti işləri dayandırılıb!
Ötən mövsüm Premyer Liqada iştirak edərkən yeni bazanın tikintisinə başlayan "Rəvan" rəhbərliyi deyəsən, fikrini dəyişib. Sportnet.az-ın məlumatına görə, "sarı-qırmızılar"ın I Diviziona yuvarlanması tikintinin gedişinə də təsir edib.
Qaraçuxur qəsəbəsindəki bazanın inzibati binasının tikintisi, demək olar ki, yekunlaşıb. Lakin rəhbərlik işlərin dondurulmasına qərar verib. Səbəb isə çox sadədir. Komanda I Divizionda iştirak etdiyi üçün hələlik işlərin saxlanılması məqsədəuyğun bilinib. Məlumatı klubdan da təsdiqləyiblər.
