UEFA AVRO-2016-nın seçmə qrup mərhələsində Çernoqoriya və Rusiya yığmaları arasındakı yarımçıq qalan oyunla bağlı qərarını açıqlayıb. Sportnet.az-ın qurumun rəsmi saytına istinadən məlumatına görə, Çernoqoriya millisinə texniki məğlubiyyət verilib.
Eyni zamanda bu ölkənin komandası qarşıdakı 2 ev oyununu azarkeşsiz keçirəcək və 50 min avro cərimə ödəyəcək. Rusiya tərəfi isə 25 min avro cərimə ilə qurtulub.
Qeyd edək ki, martın 27-də G qrupunda keçirilmiş oyun başlayandan az sonra çernoqoriyalı azarkeşlər tribunadan qonaq komandanın qapıçısı İqor Akinfeyevə fayer atıblar. Nəticədə görüş 40 dəqiqəyədək dayanıb. 67-ci dəqiqədə isə qarşılaşma tribunalardakı çaxnaşma səbəbindən ləğv olunub.
