Türkiyənin yunan-Roma güləşi üzrə milli komandası İranın Abadan şəhərində keçirilmiş Dünya Kubokundan Tehran hava limanına yollanarkən qəzaya düşüb.
Sportnet.az-ın məlumatına görə, yığmanın olduğu avtobus yük maşını ilə toqquşub. Hadisə nəticəsində komanda üzvlərindən zədələnən olmayıb. Əvəzində yük maşında olanlar yaralanıb. Onlara ilkin yardımı millinin həkimi Ömər Kırmızı göstərib.
Qeyd edək ki, Türkiyə yığması Dünya Kubokunda 4-cü yeri tutub.
