İdman Araşdırmalar Mərkəzinin (İAM) "İlin qalibləri-2017" layihəsi çərçivəsində "9 ilə 13" adlı mükafatlandırma mərasimi start götürüb.
Sportnet.az xəbər verir ki, Bakı Olimpiya Stadionunda təşkil olunacaq tədbirdə ümumilikdə 17 mükafat sahibini tapıb.
Ali nominasiya
İlin məşqçisi - Qurban Qurbanov
Nominasiyalar üzrə qaliblər bunlardır:
1. İlin idman xadimi – Tahir Gözəl, "Qarabağ”ın vitse-prezidenti
2. İlin idmançısı – Hacı Əliyev, sərbəst güləş üzrə üçqat dünya çempionu
3. İlin əcnəbi idmançısı – Dino Ndlovu, "Qarabağ”ın futbolçusu
4. İlin futbolçusu – Rəşad Sadıqov, "Qarabağ”ın kapitanı
5. İlin komandası (futbol və digər) "Qarabağ” və şahmat üzrə kişilərdən ibarət Azərbaycan milli komandası
6. İlin baş məşqçisi (digər növlər üzrə) – Fərhad Məmmədov, cüdo üzrə Azərbaycan milli komandasının baş məşqçisi
7. İlin ən nüfuzlu yarışı – "Bakı 2017” IV İslam Həmrəyliyi Oyunları
8. İlin yazarı – Elnur Həmidov, Komanda.az saytı
Xüsusi mükafatlar:
1. ALOV və TESS çayı - tədbirə verdiyə dəstəyə görə təşəkkürnamə
2. Futbol+ 20 - fəxri fərman
3. 3-cü hissə - ilin idman verilişi
4. Firudin Səlimov - ilin fəal fotoqrafı
5. İlin idman qurğusu – Bakı Olimpiya Stadionu
6. Media ilə sıx əməkdaşlığa görə - Nurlan İbrahimov, "Qarabağ” klubunun mətbuat katibi
---------------
Bu gün İdman Araşdırmalar Mərkəzinin (İAM) "İlin qalibləri-2017" layihəsi çərçivəsində "9 ilə 13" adlı mükafatlandırma mərasimi keçiriləcək. Sportnet.az-ın məlumatına görə, Bakı Olimpiya Stadionunda təşkil olunacaq tədbirdə ümumilikdə 17 mükafat sahibini tapacaq.
Ardıcıl 5-ci il keçirilən mərasim üçün nominasiyalar bunlardır:
1. İlin idman xadimi
2. İlin idmançısı
3. İlin əcnəbi idmançısı
4. İlin futbolçusu
5. İlin komandası (futbol və digər növlər üzrə)
6. İlin baş məşqçisi (digər növlər üzrə)
7. İlin ən nüfuzlu yarışı
8. İlin yazarı
Qaliblər 60 KİV arasında sorğu nəticəsində müəyyənləşib. Hər mətbu orqandan bir idman jurnalistinin rəyi öyrənilib. Futbol üzrə İlin baş məşqçisi nominasiyasında sorğuya ehtiyac olmayıb və qalibə Ali nominasiya kimi mükafatın verilməsi qərara alınıb. Eyni zamanda, İAM-ın xüsusi mükafatları təqdim ediləcək.
Saat 13:00-da başkanacaq mərasimdə qaliblərlə yanaşı, ölkənin idman rəsmiləri, ictimaiyyət nümayəndələri, millət vəkilləri və jurnalistlərin iştirakı gözlənilir.
Qeyd edək ki, "İlin qalibləri-2017"nin təşkilati dəstəkçisi Bakı Olimpiya Stadionu, informasiya dəstəkçisi "Report" agentliyi, sponsorları isə "Aloff Made in Azerbaijan" və TESS-dir.
