Rusiyanın qarışıq üslubda (MMA) döyüşçüsü Həbib Nurməhəmmədov ABŞ-ın Las-Veqas şəhərindəki UFC-229 turnirində irlandiyalı Konor Makqreqora qalib gəlib.
Sportnet.az xəbər verir ki, döyüş dördüncü raundda başa çatıb. Makqreqor Nurməhəmmədovun tətbiq etdiyi boğucu fənddən sonra təslim olub. Beləliklə, o, yüngül çəkidə çempionluq kəmərini qoruyub.
Qeyd edək ki, Həbib Nurməhəmmədov karyerasının 27-ci döyüşündə elə 27-ci qələbəsini qazanıb. Konor Makqreqor isə 21-ci döyüşündə 4-cü dəfə uduzub.
-------------------------------------
Rusiyanın qarışıq üslubda (MMA) döyüşçüsü Həbib Nurməhəmmədov bu gün irlandiyalı Konor Makqreqorla üz-üzə gələcək.
Sportnet.az xəbər verir ki, iki məşhur idmançı Mütləq Döyüş Çempionatının (UFC) yüngül çəkidə qalibi adı uğrunda mübarizə aparacaqlar. Artıq onlar çəkiölçmə mərasimindən keçiblər.
Görüş UFC-229 turnirinin əsas hadisəsi olacaq. Hazırda Nurməhəmmədov UFC-nin çempionu sayılır. O, karyerası boyunca promouşen turnirlərinin heç birində uduzmayıb. Makqreqor isə 2015-ci ildə iki kateqoriya üzrə UFC çempionu olsa da, promouşen turnirlərinə qatılmadığı üçün çempionluq kəmərlərindən məhrum edilib.
Nurməhəmmədov - Makqreqor döyüşünün UFC tarixi ərzində ən gəlirli qarşılaşma olacağı gözlənilir.
Qeyd edək ki, Bakı vaxtı ilə saat 8:00-da başlanacaq görüş ABŞ-ın Las-Veqas şəhərində təşkil ediləcək.
