Yüngül çəkidə çıxış edən rusiyalı UFC çempionu Həbib Nurməhəmmədovu ABŞ-ın Las-Veqas şəhərindəki UFC 229 turnirində irland Konor Makqreqorla titul döyüşündən sonra saldığı davaya görə 9 ay müddətinə idman yarışlarında iştirakdan məhrum edib.
Sportnet.az "MMA Fighting"ə istinadən xəbər verir ki, bu barədə Nevada ştatının Atletika Komissiyası (NSAC) qərar qəbul edib. Qərara əsasən, Nurməhəmmədov diskvalifikasiya ilə yanaşı, 500 min dollar məbləğində cərimə də olunub.
Qeyd edək ki, iki idmançı arasında döyüş 2018-ci il oktyabrın 6-da olub. Nurməhəmmədov 4-cü raundda rəqibə qarşı boğucu fənd işlədib və bundan sonra irlandiyalı təslim olub. Döyüşdən sonra zalda qalmaqal baş verib. İrlandiyalı idmançının tərəfdarlarından birinin zaldan Nurməhəmmədova söz atmasından sonra, rusiyalı idmançı rinqi tərk edərək azarkeşlə əlbəyaxa olub. Eyni zamanda rinqdə də Nurməhəmmədovun mühafizəçilərindən biri ilə Makqreqor arasında əlbəyaxa dava baş verib.
