Azərbaycanın iki idman telekanalı arasında şərhçi transferi gerçəkləşib. "İdman TV"nin şərhçisi "CBC Sport"a keçib.
Tanınmış şərhçi Sportnet.az-a açıqlamasında xəbəri təsdiqləyib. O bildirib ki, iş yerini "CBC Sport"da daha geniş şərh imkanı və şərhçilərə daha münbit şəraitin yaradılması səbəbindən dəyişib: "İdman TV"də yalnız İngiltərə Premyer Liqası və Almaniya Bundesliqası ekranlara gətirilir. "CBC Sport" isə hazırda İtaliya A Seriyası və İspaniya La Liqasının oyunlarını yayımlayır. Özüm İtaliya futbolunun azarkeşiyəm. Qarşıdan Çempionlar Liqası və Avropa Liqası, həmçinin Azərbaycan Premyer Liqasının oyunları gəlir. Bunu və şərhçilərə yaradılmış şəraiti nəzərə alaraq, belə bir qərar qəbul etdim".
Qeyd edək ki, Ramiz Mirzəzadə uzunmüddətli şərhçilik təcrübəsinə malikdir. O, Azərbaycan millisi və klublarının, eyni zamanda "Böyük beşlik" çempionatları və avrokubok oyunlarını şərh edib.
