Bakının bəzi küçələrində nəqliyyatın hərəkəti qismən məhdudlaşdırılacaq.
Bakı Şəhər Halqası Əməliyyat Şirkətindən Sportnet.az-a verilən məlumata görə, məhdudlaşdırma 31 avqust saat 23:00-dan başlayacaq.
Fikrət Əmirov küçəsinin Xəqani və Nizami küçələri aralığındakı hissəsi vətəndaşların istifadəsi üçün yerüstü piyada keçidinin quraşdırılması işləri ilə əlaqədar yarışlar bitənədək nəqliyyata bağlı olacaq.
Ərazidə yerləşən velosiped zolaqları isə işlək olacaq.
Qeyd edək ki, məhdudiyyətlər 19 - 21 sentyabrda keçiriləcək Formula 1 üzrə Azərbaycan Qran Prisinə hazırlıq məqsədilə Bakının mərkəzi küçə, prospektlərində aparılan quraşdırma, infrastruktur işləri ilə bağlıdır və mərhələli şəkildə tətbiq ediləcək. Yarış ərəfəsində digər küçə və prospektlərdə də müəyyən dəyişikliklər nəzərdə tutulur.
Sürücülərdən və piyadalardan hərəkət zamanı alternativ marşrutlardan istifadə etmələri xahiş olunur.
