"Uilyams" komandası 2019 "Formula-1" mövsümü üçün polşalı pilot Robert Kubitsa ilə müqavilə imzalayıb.
Sportnet.az xəbər verir ki, 33 yaşlı polşalı idmançı rusiyalı pilot Sergey Sirotkini əvəzləyib. O, əvvəllər komandada ehtiyat pilot olub. Kubitsa "Uilyams"da Corc Rassellə birlikdə mübarizə aparacaq. Müqavilənin detalları bəlli deyil.
Qeyd edək ki, Robert Kubitsa uzun fasilədən sonra "Formula -1"də pilot olacaq. O, son olaraq 2010-cu ildə Əbu-Dabi Qran-prisində çıxış edib.
