İtaliyada keçiriləcək "Formula 1" üzrə Emili-Romani Qran-prisinin cədvəlində dəyişiklik edilib.
Sportnet.az-ın məlumatına görə, bu qərar Edinburq Hersoqu, Şahzadə Filipin dəfn mərasimi ilə bağlı qəbul olunub.
Aprelin 17-dəki tədbirlə əlaqədar sıralama turu Bakı vaxtı ilə saat 16:00-dan 17:00-dək keçiriləcək. Həmçinin 3-cü test yürüşü saat 13:00-da başlayacaq. Bundan başqa, sıralama turu öncəsi 1 dəqiqəlik sükut olacaq.
Şahzadə Filip aprelin 9-da 99 yaşında vəfat edib.
Qeyd edək ki, Emili-Romani Qran-prisi 16 - 18 apreldə İmola trasında gerçəkləşəcək.
