III MDB Oyunlarında Qəbələ atıcılıq mərkəzində stend atıcılığı üzrə yarış keçirilib.
Sportnet.az xəbər verir ki, azərbaycanlı idmançılar Cavid Həsənov və Cəmilə Paşayeva dairəvi (skeet) qarışıq komanda yarışında üçüncü olub.
Rusiyalı İlya Kuşaqin və Yelizaveta Yevqrafova qızıl, qazaxıstanlı Maksim Poşivalov və Lidiya Başarova gümüş medal qazanıblar. Yarışdan sonra mükafatlandırma mərasimi keçirilib.
Xatırladaq ki, III MDB Oyunları 28 sentyabr – 8 oktyabr 2025-ci il tarixlərində Azərbaycanın yeddi şəhərində keçirilir: Gəncə, Yevlax, Mingəçevir, Qəbələ, Şəki, Göygöl və Xankəndi.
