Almaniyanın Dortmund şəhərində sərbəst və yunan-Roma güləşi üzrə Qran Priyə start verilib. Sportnet.az-ın məlumatına görə, ilk yarış günündə ilk yarış günündə 65, 74, 86 və 97 kq çəkidə sərbəst, 66, 75, 85 və 98 kq çəkidə yunan-Roma güləşçiləri mübarizə aparır.
Azərbaycan təmsiçiləri günü 4 qızıl, 1 gümüş medalla başa vurublar.
Yunan-Roma güləşi yarışlarındakı Rafiq Hüseynov (75 kq) İsveç, Çexiya və ABŞ-dan olan rəqiblərini tam üstünlüklə məğlub edərək finala yüksəlib. Finalda o, rusiyalı Çingiz Labazanovu da yenib.
Sərbəst güləş yarışlarında 65 kq-da mübarizə aparan olimpiya çempionu Toğrul Əsgərov mübarizəyə 1/4 finaldan başlayıb və ardıcıl olaraq Almaniya və Türkiyədən olan rəqiblərini məğlub edərək finala yüksəlib. Həlledici görüşdə o, ABŞ təmsilçisi Frank Molinaroya da qalib gəlib.
86 kq çəkidə mübarizə aparan Nurməhəmməd Hacıyev ardıcıl olaraq Belarus, Almaniya və Polşadan iki idmançı üzərində inamlı qələbə qazanaraq finala yüksəlib. Olimpiya çempionumuz Şərif Şərifov isə finala qədər Almaniya, ABŞ və Qazaxstandan olan rəqiblərini üstələyib. Güləş həvəskarları bu çəkidə Azərbaycan finalını izləyiblər. Daha yaxşı çıxış edən Hacıyev qalib olub.
97 kq-da mübarizə aparan komandamızın kapitanı Xetaq Qazyumov da bütün rəqiblərini üstələyərək finala yüksəlib. Fransa və Türkiyədən olan rəqiblərini asanlıqla üstələyən Qazyumov yarımfinalda son dünya çempionu olan ABŞ təmsilçisi Kyle Snyderlə qarşılaşıb. Gərgin keçən görüş güləşçimizin üstünlüyü ilə başa çatıb. O, finalda Polşa təmsilçisi Radoslav Baranı da yenərək, fəxri kürsünün ən yüksək pilləsinə qalxıb.
Yunan roma
75 kq
1/8 final. Rafiq Hüseynov - Berq Sebastlan (SWE) 9:0
1/4 final. Varga Oldrich(CZE) - Rafiq Hüseynov 2:9
1/2 final. Vilson Jayson (USA) - Rafiq Hüseynov 2:12
FİNAL. Rafiq Hüseynov - Çingiz Labazanov (RUS) - 3*:3
Sərbəst güləş
65 kq
1/4 final. Dorn Niklas (GER) -Toğrul Əsgərov 0:10
1/2 final. Toğrul Əsgərov - Mustafa Zopalı (TUR) 10:0
FİNAL. Frank Molinaro (USA) - Toğrul Əsgərov - 4:5
86 kq
1/16 final. Amarhaly Mahammadau (BLR) - Nurməhəmməd Hacıyev 4:7
1/8 final. Kaufmehl Maykl (GER) - Nurməhəmməd Hacıyev 2:12
1/8 final. Şərif Şərifov - Konstantin Volk (GER) 10:0
1/4 final. Jden Cok (USA) - Şərif Şərifov 2:6
1/4 final. Jeizerzans Sebastian (POL) - Nurməhəmməd Hacıyev 0:10
1/2 final. Adilet Davlumayev (KAZ) - Şərif Şərifov 4:8
1/2 final. Zbiqnev Baranovski (POL) - Nurməhəmməd Hacıyev 0:5
FİNAL. Şərif Şərifov - Nurməhəmməd Hacıyev - 0:5
97 kq
1/8 final. Xetaq Qazyumov - Nobl Jordan (FRA)11:0
1/4 final. Xetaq Qazyumov - Serdar Bone (TUR) 10:0
1/2 final. Kyle Snyder (USA) - Xetaq Qazyumov 1:2
FİNAL. Radoslav Baran (POL) - Xetaq Qazyumov - 0:5
Sahib ƏSƏDBƏYLİ
Yazı AFFA yanında Media Komitəsinin dəstəyi ilə hazırlanıb.
