22 iyul - Milli Mətbuat və Jurnalistika günü münasibətilə İdman Araşdırmalar Mərkəzi və Azərbaycan Güləş Federasiyası (AGF) birgə tədbir həyata keçirəcək. Sportnet.az-ın məlumatına görə, iyulun 19-da jurnalislər və güləşçilərdən ibarət komanda arasında futbol matçı keçiriləcək.
Olimpiya Güləş Mərkəzində ("Excelsior" otelin yanı) keçiriləcək görüş saat 19:00-da başlanacaq. Güləş komandasının heyətində dünya və Avropa çempionları, olimpiya mükafatçıları yer alacaqlar. Jurnalistlər komandası isə əsasən, federasiya ilə əməkdaşlıq edənlərdən ibarət olacaq.
