Hollandiyanın Rotterdam şəhərində kikboksinq üzrə "Glory” seriyalı növbəti turnir keçirilib.
Sportnet.az-ın məlumatına görə, Azərbaycanın və "Qəbələ” İdman Klubunun təmsilçisi Alim Nəbiyev də "Glory 49”un iştirakçısı olub. Yarımorta çəki dərəcəsində çıxış edən Nəbiyev təşkilatın sabiq çempionu, hollandiyalı Niki Holtskenlə qarşılaşıb. Üç raund davam edən döyüşdə rəqibini aşkar üstələyən azərbaycanlı döyüşçü hakimlərin yekdil qərarı ilə qalib elan olunub. Bununla da "Glory” reytinqindəki xal hesabını 466-ya çatdıran Nəbiyev siyahının 6-cı pilləsində qərarlaşıb.
Qeyd edək ki, Rotterdamdakı uğur Alim Nəbiyevin "Glory” seriyasında 2-ci qələbəsi olub. Oktyabrda Fransanın Lion şəhərində yerli idmançı Cimmi Vienoya qalıb gələn "Qəbələ" təmsilçisi bu dəfə aktivinə növbəti qələbəni yazıb.
