Türkiyənin Antalya şəhərində qılıncoynatma üzrə "B" kateqoriyalı "Satellite" turnirinə yekun vurulub.
Sportnet.az xəbər verir ki, sablya üzrə qadınlardan ibarət Azərbaycan yığma komandasının üzvü Səbinə Kərimova turnirin bürünc medalını qazanıb. Qrup mərhələsində keçirdiyi 6 görüşdən 5-də qələbə qazanan Kərimova çıxışının davamını pley-offda da gətirib.
O, 1/8 finalda Azərbaycanın daha bir təmsilçisi Aysel Əhədovaya, 1/4 finalda türkiyəli Aylin Çakıra qalib gəlib. Yarımfinala yüksəlməklə turnirin bürünc medalını təmin edən sablyaçı finalın bir addımlığında polşalı Marta Pudaya uduzub.
Azərbaycanın digər təmsilçilərindən 1/4 finaladək irəliləyən Sevil Bünyatova yarışı 5-ci sırada tamamlayıb. Mübarizəni 1/8 finalda dayandıran Bünyatova da ilk "10-luq"da yer almağı bacarıb.
6 ölkədən 27 sablyaçının yarışdığı turnirdə Aysel Əhədova 14-cü, Nərminə Cəfərova isə 21-ci sırada qərarlaşıb.
