Azərbaycan sərbəst güləşçiləri Türkiyənin İstanbul şəhərində Yaşar Doğunun xatirəsinə keçirilmiş turnirdə 4 medal qazanıblar.
Sportnet.az xəbər verir ki, medallardan 2-si son yarış gününə təsadüf edib. Yığma üzvlərindən Aleksandr Qostiyev (86 kq) qızıl, Şamil Zubairov (92 kq) bürünc medala sahib olub. Daha əvvəl Murtuzəli Müslimov (70 kq) qızıl, Georgi Edişeraşvili (57 kq) bürünc medal qazanıb.
Ayrı-ayrı çıxışlara gəldikdə, Mahal Novruzov debütdə Türkiyə təmsilçisinə, Murad Süleymanov isə komanda yoldaşı Aleksandr Qostiyevə uduzub. Daha sonra 2016-cı il Rio-de-Janeyro Yay Olimpiya Oyunlarının gümüş medalçısına qalib gələn Qostiyev yarımfinala yüksəlib. O, Slovakiya nümayəndəsini də yendikdən sonra finala vəsiqə qazanıb. Bu səbəbdən, Süleymanov da bürünc medal uğrunda mübarizə aparmaq fürsəti əldə edib. Qostiyev final görüşün
Mübarizəyə 1/4 finaldan qoşulan Şamil Zubairov da Türkiyə idmançısını üstələyərək adını yarımfinala yazdırıb. Ancaq ABŞ pəhləvanı gənc güləşçi üçün keçilməz olub.
Aslanbek Alborov isə Hindistan və Qırğızıstan güləşçilərini yolundan kənarlaşdırmaqla yarımfinala adlayıb. Lakin finalın bir addımlığında o, İran güləşçisinə müqavimət göstərə bilməyib.
Təsəlliverici və medal görüşləri bu gün keçiriləcək.
74 kq
1/8 final - Mahal Novruzov - Enes Uslu 5:10
86 kq
Təsnifat - Aleksandr Qostiyev - Murad Süleymanov 3:2
1/4 final - Aleksandr Qostiyev - Səlim Yaşar (TUR) *6:6
1/2 final - Aleksandr Qostiyev - Boris Makoyev (SVK) 2:0
Təsəlliverici görüş - Murad Süleymanov - Səlim Yaşar (TUR) -:+
FİNAL - Aleksandr Qostiyev - Dipak Punia (İND) 7:2
92 kq
1/4 final - Şamil Zubairov - Erhan Yaylacı (TUR) 6:4
1/2 final - Şamil Zubairov - Maykl Tbori Koks (USA) 0:11
Bürünc medal görüşü - Şamil Zubairov - Abubakar Turqayev (KAZ) +:-
97 kq
Təsnifat - Aslanbek Alborov - Sativart Kadian (İND) 11:0
1/4 final - Aslanbek Alborov - Maqomed Musayev (KGZ) 6:1
1/2 final - Aslanbek Alborov - Əli Xəlil Şabanibenqar (İRİ) 0:10
Bürünc medal görüşü - Aslanbek Alborov - Abraham Ruano (İTA) -:+
Qeyd edək ki, ötən gün Əli Rəhimzadə (65 kq) və Abubakr Abakarov (79 kq) bürünc medal görüşündə uduzaraq 5-ci yeri tutublar.
