Bu gün Ukrayna paytaxtında güləş üzrə Kiyev turniri start götürüb.
Sportnet.az-ın məlumatına görə, ölkənin məşhur güləşçilərinin və məşqçilərinin xatirəsinə keçirilən yarışın ilk günündə Azərbaycanın 11 pəhləvanı mübarizəyə başlayıb.
Əfqan Xaşalov ilk görüşdə belaruslu güləşçiyə minimal fərqlə uduzub. Mahir Əmiraslanov debütdə ukraynalı həmkarına sonuncu xal prinsipinə əsasən qalib gəlib. Mübarizəyə 1/8 finaldan qoşulan İslam Bazarqanov gürcüstanlı pəhləvanla qarşılaşmanın son saniyəsində qələbəni əldən verib. Əmiraslanov isə bu mərhələdə özbəkistanlı güləşçiyə yenilib.
Əli Rəhimzadə təsnifat mərhələsini güləşmədən keçib. Buna yunanıstanlı rəqibinin xalça üzərinə çıxmaması səbəb olub. Mübarizəyə 1/16 finaldan qoşulan Turan Bayramov Ukraynanı təmsil edən erməni güləşçiyə son dəqiqədə "tuşe" ilə qalib gəlib. Gəncə güləş məktəbinin yetirməsi Belarus idmançısını da vaxtından əvvəl xalçadan məyus yola salıb. Rəhimzadə isə qırğızıstanlı həmkarını tam üstünlüklə sıradan çıxarıb. O, daha sonra yerli pəhləvana minimal fərqlə qalib gəlib. 1/4 finalda Bayramov ABŞ, Rəhimzadə isə Gürcüstan idmançısı üzərində qələbə qazanaraq yarımfinala vəsiqə qazanıblar. Bayramov finalın bir addımlığında qırğızıstanlı güləşçiyə məğlub olub. Əvəzində Moldova təmsilçisinə gücünü göstərən Rəhimzadə finala yüksəlib.
Əşrəf Aşırov ilk görüşdə gürcü rəqibindən üstün olub. Ancaq daha sonra o, İran güləşçisinə uduzub.
İslam İlyasov ilk mərhələdə Yunanıstan təmsilçisini mübarizədən kənarlaşdırsa da, təcrübəli gürcüstanlı həmkarına məğlub olub.
Türkan Nəsirova debütdə türkiyəli rəqibindən güclü olub. O, Belarus təmsilçisini də çətinlik çəkmədən yenərək yarımfinala yüksəlib. Ancaq finalın bir addımlığında Nəsirova Polşa idmançısına minimal fərqlə uduzub.
Mübarizəyə 1/4 finaldan qoşulan İrina Netreba belaruslu rəqibini devirərək yarımfinala adlayıb. Ancaq növbəti görüşdə o, Kanada idmançısına uduzub.
76 kq-dakı təmsilçilərimiz elə ilk görüşdə üz-üzə gəlib. Gözəl Zutova Səbirə Əliyevanı məğlub edib. Ancaq daha sonra Zutova Belarus güləşçisinə müqavimət göstərə bilməyib.
Qeyd edək ki, bu çəkilərdə təsəlliverici və medal qarşılaşmaları fevralın 27-də keçiriləcək.
------------------------------------
Azərbaycanın 4 güləşçisi Ukraynanın paytaxtı Kiyevdə ölkənin məşhur güləşçiləri və məşqçilərinin xatirəsinə təşkil olunan ənənəvi yarışda yarımfinala yüksəliblər.
Sportnet.az-ın məlumatına görə, kişilərdən Əli Rəhimzadə və Turan Bayramov (hər ikisi 65 kq), qadınlardan isə Türkan Nəsirova (50 kq) və İrina Netreba (68 kq) finala vəsiqə uğrunda mübarizə aparacaqlar.
Rəhimzadə təsnifat mərhələsini güləşmədən keçib. Buna yunan rəqibinin xalça üzərinə çıxmaması səbəb olub. 1/16 finalda qırğızıstanlı Alibek Osmanova tam üstünlüklə qalib gələn güləşçi daha sonra yerli Vasili Şuptarı mübarizədən kənarlaşdırıb. O, 1/4 finalda Gürcüstan təmsilçisi Şota Fartenadze üzərində qələbə qazanaraq yarımfinala çıxıb. Rəhimzadənin final yolunda son rəqibi moldovalı Maksim Sakultan olacaq.
Mübarizəyə 1/16 finaldan qoşulan Turan Bayramov isə startda Ukraynanı təmsil edən erməni güləşçi Qor Ohannesyanı "tuşe" ilə məğlub edib. Gəncə güləş məktəbinin yetirməsi növbəti mərhələdə belaruslu Andre Bekrenyovdan güclü olub. Bayramov 1/4 finalda isə ABŞ-dan olan Jozef Makennaya qalib gəlib. O, yarımfinalda Ernazar Axmataliyevlə (Qırğızıstan) üz-üzə gələcək.
1/8 finalda türkiyəli Aynur Ergeni məğlub edən Türkan Nəsirova daha sonra Belarus təmsilçisi Anastasiya Yanotavanı mübarizədən kənarlaşdırıb. O, finala çıxmaq üçün Anna Lukaşiakın (Polşa) müqavimətini qırmalıdır. Mübarizəyə 1/4 finaldan başlayan İrina Netreba belaruslu Nataliya Strjalka üzərində qələbə qazanaraq yarımfinala adlayıb. Onun növbəti rəqibi Oliviya Di Bacco (Kanada) olacaq.
--------------------------------
Bu gün güləş üzrə Kiyev turniri start götürür.
Sportnet.az xəbər verir ki, Ukraynanın məşhur güləşçilərinin və məşqçilərinin xatirəsinə keçirilən yarışın ilk günündə 11 idmançımız mübarizəyə başlayır.
Qarşılaşmalar Bakı vaxtı ilə saat 12:00-da başlayacaq.
Sərbəst güləş
57 kq
1/16 final: Əfqan Xaşalov – Aryian Tiutrin (Belarus) 1:2
1/16 final: Mahir Əmiraslanov – Roman Qutsuliak (Ukrayna) *2:2
1/8 final: İslam Bazarqanov – Roberti Dinqaşvili (Gürcüstan) 12:14
1/8 final: Mahir Əmiraslanov - Mahmudcan Şövkətov (Özbəkistan) 1:3
65 kq
Təsnifat: Əli Rəhimzadə - Georgios Pilidis (Yunanıstan) +:-
1/16 final: Turan Bayramov – Qor Ohannesyan (Ukrayna) 5:4 (tuşe)
1/16 final: Əli Rəhimzadə - Alibek Osmanov (Qırğızıstan) 12:2
1/8 final: Turan Bayramov - Andre Bekrenyov (Belarus) 11:0
1/8 final: Əli Rəhimzadə - Vasili Şuptar (Ukrayna) 5:4
1/4 final: Turan Bayramov - Jozef Makenna (ABŞ) 5:1
1/4 final: Əli Rəhimzadə - Şota Fartenadze (Gürcüstan) *3:3
1/2 final: Turan Bayramov - Ernazar Axmataliyev (Qırğızıstan) 7:13
1/2 final: Əli Rəhimzadə - Maksim Sakultan (Moldova) 5:3
Bürünc medal görüşü: Turan Bayramov
Final: Əli Rəhimzadə - Ernazar Axmataliyev (Qırğızıstan)
74 kq
1/16 final: Əşrəf Aşırov – Temuri Beruaşvili (Gürcüstan) 2:0
1/8 final: Əşrəf Aşırov - Məhəmmədsadiq Firuzpurbandpey (İran) 0:5
Təsəlliverici görüş: Əşrəf Aşırov - İshak Buxors (Əlcəzair)
97 kq
Təsnifat: İslam İlyasov – Timofey Xenidis (Yunanıstan) 7:3
1/8 final: İslam İlyasov - Elisbar Odikadze (Gürcüstan) 1:12
Qadın güləşi
50 kq
1/8 final: Türkan Nəsirova – Aynur Erge (Türkiyə) 4:1
1/4 final: Türkan Nəsirova - Anastasiya Yanotava (Belarus) 10:2
1/2 final: Türkan Nəsirova - Anna Lukaşiak (Polşa) 1:2
Bürünc medal görüşü: Türkan Nəsirova
68 kq
1/4 final: İrina Netreba – Nataliya Strjalka (Polşa) 5:3
1/2 final: İrina Netreba - Oliviya Di Bacco (Kanada)
Bürünc medal görüşü: İrina Netreba - Danute Domikaytite (Litva)
76 kq
1/8 final: Gözəl Zutova – Səbirə Əliyeva 10:2
1/4 final: Gözəl Zutova - Vasilisa Marzaliuk (Belarus) 2:7
