Avropa Liqasının qrup mərhələsinə vəsiqə qazandıqdan sonra "Qəbələ" öz meydanında tam heyətlə ilk məşqinə çıxıb. Sportnet.az-ın məlumatına görə, axşam məşqindən öncə komanda üzvləri xoş sürprizlə qarşılaşıb.
Futbol akademiyasının komandaları əsas komandanı məşq meydançasında alqışlarla qarşılayıblar. Ardından isə əsas heyət üzvlərinə paxlava ikram edilib. Akademiya futbolçuları qarşısında qısa çıxış edən baş məşqçi Roman Qriqorçuk onlara təşəkkür edib və belə addımların onları daha da həvəsləndirdiyini, daha məsuliyyətli olmağa sövq etdiyini deyib.
Məşqə iziki hazırlıqla başlayan futbolçular ardınca topla çalışıb. Növbəti məşqini də doğma stadionda keçirəcək komanda sentyabrın 11-də Bakıya gələcək. "Qırmızı-qaralar”ın oyun öncəsi son məşqi də həmin gün paytaxtda baş tutacaq.
Qeyd edək ki, IV turun "İnter” – "Qəbələ” qarşılaşması sentyabrın 12-də keçiriləcək. "İnter Arena”da baş tutacaq matç saat 20:00-da başlayacaq.
