"Artıq birinci hissədə hesabda 2 top üstünlüyümüz olsa belə, oyunun sonuna qədər gərgin mübarizənin şahidi olduq". Sportnet.az-ın məlumatına görə, bunu Avstriya yığmasının baş məşqçisi Verner Qreqoriç Azərbaycan millisini Bakıda 2:0 hesabı ilə yendikləri Avropa çempionatının seçmə qrup matçından sonra deyib.
O bildirib ki, qarşılaşmanın belə məcrada keçəcəyini əvvəlcədən hiss edib. Bu səbəbdən, Qreqoriç futbolçulara hesabdan asılı olmayaraq arxayınlaşmamağı tövsiyə edib. Baş məşqçi Azərbaycan yığmasına sentyabrın 8-də Almaniya ilə keçirəcəyi növbəti ev oyununda uğurlar arzulayıb”.
