"Qarabağ"ın futbolçusu Ansi Aqolli Albaniya yığmasının heyətində növbəti oyununu keçirib. Sportnet.az-ın məlumatına görə, 33 yaşlı müdafiəçi Danimarka ilə AVRO-2016-nın seçmə qrup matçında 90 dəqiqə meydanda olub.
Kopenhagen şəhərindəki "Parken" stadionunda baş tutmuş qarşılaşmada qalib müəyyənləşməyib - 0:0. Aqolli 32-ci dəqiqədə sarı vərəqə alıb.
Qeyd edək ki, bu nəticədən sonra Albaniya millisi İ qrupunda elə Danimarka ilə birgə hərəyə 11 xalla 2-3-cü yerləri bölüşdürür. Amma Ansi Aqollinin komandasının ehtiyatda 1 oyunu var.
