Məşhur braziliyalı futbolçu Ronaldinyo klubsuz qalıb. Sportnet.az-ın məlumatına görə, o, 3 ay əvvəl müqavilə imzaladığı "Fluminense" klubu ilə qarşılıqlı şəkildə yollarını ayırıb.
Tərəflərin ayrılması barədə məlumat klubun rəsmi saytında yerləşdirilib. Ronaldinyonun "Fluminense"də maraqlı statistikası nəzərə çarpır. 35 yaşlı yarımmüdafiəçi komanda ilıə çıxdığı 9 oyunun heç birində fərqlənməyi bacarmayıb.
Braziliyalının gəlişindən sonra forma satışı və reklam gəlirləri əldə edən klub gələcəkdə də futbolçu ilə əməkdaşlıq edəcəklərinə inandığını bildirib.
Qeyd edək ki, Ronaldinyo futbolçu karyerası ərzində "Qremio", PSJ, "Barselona", "Milan", "Flamenqo", "Atletiko Mineyro" klublarında çıxış edib.
