"Sumqayıt" komandası məşqlərini bərpa edib. Sportnet.az-ın məlumatına görə, dünən yeni baş məşqçi təyin olunan Samir Abasov axşam saatlarında futbolçulara təqdim edildikdən sonra komanda ilk məşqinə çıxıb.
Bu gün səhər "Sumqayıt" növbəti məşqini keçirib. "Kapital Bank Arena"da baş tutan hazırlıq mərhələsində əsas komandanın 3 üzvü Şahrudin Məhəmmədəliyev, Tərlan Əhmədli və Cəmil Hacıyev iştirak etməyib.
Qeyd edək ki, hər 3 futbolçu U-21-in düşərgəsində yer almaqdadır. Hazırkı heyətdə zədəli futbolçu yer alımır. "Sumqayıt" FK növbəti oyunu oktyabrın 17-də doğma arenada "İnter"ə qarşı keçirəcək.
