Almaniyanın "Borussiya" (Dortmund) klubunun futbolçusu Pyer-Emerik Obameyanq İspaniya "Barselona"sına keçə bilər. "El Mundo Deportivo"ya istinadən məlumatına görə, kataloniyalılar 26 yaşlı hücumçunu yayda heyətlərinə qatmağı planlaşdırırlar.
Onun Dortmund təmsilçisi ilə müqaviləsi 2020-ci ilədəkdir. Bu mövsüm Obameyanq Bundesliqada 8 oyuna 10 qol vurub.
Qeyd edək ki, "Borussiya" "Qəbələ"nin Avropa Liqasının qrup mərhələsindəki rəqiblərindəndir. İki komanda oktyabrın 22-də Bakıda, noyabrın 5-də Dortmundda üz-üzə gələcək.
