AVRO-2016-nın seçmə qrup mərhələsinin son oyununda Səlçuk İnanın İslandiyanın qapısına vurduğu qol Türkiyəyə iqtisadi baxımdan müsbət təsir edəcək. Sportnet.az-ın məlumatına görə, 89-cu dəqiqədə cərimə zəribəsindən vurulan qol qardaş ölkəyə 550 milyon dollar qazandıracaq.
Bu məbləğə məişət texnikalarının satışı, ölkənin tanınması, turizm və yayımdan gələn gəlir daxildir. UEFA-nın Türkiyəyə ödəyəcəyi məbləğ isə hesablamalara əsasən, 12 milyon avrodan 35 milyon avroya qədər qalxa bilər.
Qeyd edək ki, bundan əvvəl Türkiyənin 2 dünya və 1 Avropa çempionatına vəsiqə qazanmaması üzündən ölkə iqtisadiyyatı 1 milyard 200 milyon dollar itirib.
