Milli komandaların oyunları ilə əlaqədar fasilədən yararlanan Azərbaycan Premyer Liqasının lideri "Qarabağ" yoxlama matçı keçirib. Sportnet.az-ın məlumatına görə, rəqib autsayder "Rəvan" olub.
"şəfa" stadionunda baş tutmuş görüş Ağdam komandasının qələbəsi ilə yekunlaşıb - 1:0. Yeganə qolu 8-ci dəqiqədə Cavid Tağıyev vurub. Baş məşqçi Qurban Qurbanov daha çox ehtiyatda qalan oyunçulara şans verib. Start heyətdə bu futbolçular yer alıb: Fərhad Vəliyev, Eltun Yaqublu, İlqar Qurbanov, Elvin Yunuszadə, Vladimir Dimitrovski, Riçard Almeyda, Coşqun Diniyev, Dani Kintana, Cavid Tağıyev, ƏlHarbi Əl-Jadeyui, Samuel Armenteros.
