"Zirə"nin baş məşqçisi Adil Şükürov "Rəvan"a səfərdə 0:1 hesabı ilə uduzduqları Azərbaycan Premyer Liqasının XIII tur matçını şərh edib. Sportnet.az-ın məlumatına görə, rəqibi qələbə münasibəti ilə təbrik edən gənc mütəxəssis komandasının iki həftə ərzində üzərində işlədikləri tapşırıqları tam yerinə yetirə bilmədiyini bildirib.
"Daha sürətli futbol oynamağa çalışdıq, lakin ümumi səhvlərimiz vardı. Rəqib qələbə qazanmağımıza imkan vermədi. Açığı, futbolçular meydançada istəkli idilər, qələbə qazansaydıq, turnir cədvəlində yerimiz dəyişəcəkdi. Lakin alınmadı" deyə Şükürov vurğulayıb.
Qeyd edək ki, bu məğlubiyyətdən sonra "Zirə" 21 xalla 3-cü pillədə qalıb.
